Жиһаздың топсасын қалай жөнге келтіру керек

Егер шкафтың есігі қисая бастаса ең басты себеп – топсалардың босап қалуы. Мұндай жағдайда оларды қайта қатайту керек. Егер топса мүлдем сынып немесе тозып қалған болса, онда жаңасына ауыстыру керек.
Дегенмен, алдымен топсаның төрт бұрандасының (крепежные винты) бірі босап қалмады ма, соны байқаңыз. Көбінесе ас үй мен киім шкафтарының есігіне кесе тәріздес топсалар орнатылады. Есіктің екі немесе үш жерінен ішінен ойылып топса соған орнатылып, екінші жағы шкаф қаңқасының ішінен ілінеді. Мұндай конструкция шкаф есігінің қисайғанын тез ретке келтіруге мүмкіндік береді. Бар құпия тұрт бұрандада.
Алдымен есікке байланған екі бұранданы тексеріп көріңіз. Босап қалған болса, алып орнына желім жағып сіріңке тығыңыз. Сосын бұранданы қайта байлаңыз. Бұл екі бұранданың міндеті – есіктің аласа-биігін реттейді, яғни есікті жоғары немесе төмен жылжытып байлайсыз.
Есік жабық тұрған кезде шкаф қаңқасының алдыңғы қыры мен есік арасының ара қашықтығын реттеу үшін үшінші бұранданы қолданасыз. Ол үшін бұранданы босатып, есікті қажет болғанша жылжытып алып қайта байлайсыз.
Егер есіктердің арасындағы жарықшақ түзу болмаса, есіктер жантайып тұрса төртінші бұранданы пайдаланыңыз. Оны есіктер түзу қалыпқа келгенше бұрайсыз. Бұл бұранда неғұрлым қаттырақ бұралса есік те тырс етіп жақсы жабылады.
Егер топсалар тозған болса оны жаңасына ауыстыру мүлдем оңай. Шешіп аласыз да дүкенге барып тура сондай жаңасын сатып аласыз. Жиһаз фурнитурасын сататын кез келген дүкенде табылады. Бағасы да қымбат емес. Алматыда 100 теңгеден бастап табылады. Жаңасын тура ескінің орнына байлайсыз. Бұрандалардың орыны кеңіп қалған болса, желімдеп сіріңкенің шиін тығасыз. Салақ, ұқыпсыз, настардан емес, жинақы, ұқыпты және таза адамдардан болуды жазсын бәрімізге!
Тұрмысыңыз жайлы болсын!